Իմ Ագրոգյուղը

Գլխավոր / Ծրագրեր / «Իմ ագրիամառը» միջազգային ամառային ճամբար

«Իմ ագրիամառը» միջազգային ամառային ճամբար

Ճամբարի մասին

Ամառը տարվա այն ժամանակն է, երբ ցանկանում ես, որ երեխաներդ այն արդյունավետ ու ուրախ անցկացնեն, վայելեն իրենց արձակուրդները և, միևնույն ժամանակ, զարգանալու նոր հնարավորություններ ունենան:
«Իմ Ագրիամառը» միջազգային ամառային ճամբարը իր տեսակով յուրօրինակ ճամբար է Հայաստանում, որն առաջարկում է երեխաների համար բնության և գյուղատնտեսության հիմքի վրա ամառային ծրագիր: Ճամբարն առաջարկում է էքսպերիմենալ ուսուցման հնարավորություններ, որտեղ երեխաները ձեռք են բերում մի շարք նոր հմտություններ գյուղատնտեսության, բնության նկատմամբ հոգատար վերաբերմունքի, միմյանց նկատմամբ հոգատարության ու շատ ավելիի մասին:

«Իմ Ագրիամառը» ճամբարում երեխաներն ունենում են իրական փորձառություններ` կտրվելով տեխնոլոգիաներից: Մեր ծրագրերը հիմնված են հետազոտությունների վրա, որտեղ երեխաներն ունենում են զարգացման ու աճի լավագույն հնարավորությունները:

Որոշ փաստեր/ Կարևոր է իմանալ

Բնության մեջ բացօթյա կազմակերպվող կրթության վերաբերյալ վերջին հետազոտություննները փաստում են այն մասին, որ միջավայրային բազմազանությունը կապված է իմունային համակարգի հետ և այն երեխաները, ովքեր գյուղական վայրերում են մեծանում ավելի քիչ են հակված ասթմայի և ալերգիաների, քանի որ նրանք բույսերի և կենդանիների բազմազան միկրոօրգանիզմների հետ են շփվում, բուսական բազմազանությունը բարելավում է երեխաների մաշկի բիոման, երկար ժամանակ դրսում լինելը լավացնում է երեխաների տեսողությունը, այգեգործությամբ զբաղվելու շնորհիվ երեխաների համար նախընտրելի է դառնում մրգերով ոու բանջարեղենով սնվելը: Բնության մեջ գտնվելը զարգացնում է երեխաների ուշադրության կենտրոնացման կարողությունը, ակադեմիական կարողությունները և ապահովում է լիարժեք հանգիստ:
Ճամբարը «հարմարավետության զոնայից դուրս» փորձառություններ է առաջարկում, որը դրական է անդրադառնում երեխաների ստեղծագործականության վրա, խթանում է երեխաների` նոր բաներ սովորելու ցանկությունը, օգնում է լինել ավելի պրոդուկտիվ/արդյունավետ, և որ ամենակարևորն է, տարբեր իրավիճակներում ավելի կողմնորոշվող են դառնում:

 

Ովքե՞ր կարող են մասնակցել ճամբարին

Ճամբարը 10-17 տարեկան բոլոր երեխաների համար է: Ճամբարի աշխատանքային լեզուն հայերենն ու անգլերենն է՝ կախված այցելուների լեզվի նախընտրությունից:

 

Երեխաների անվտանգությունն ու բարեկեցությունը

Մասնակցության հաստատման համար պետք է ներկայացնել երեխայի առողջությունը փաստող բժշկի տեղեկանք: Ճամբարի ընթացքում երեխաների առողջական վիճակը վերահսկվում է, իրականացվում են կանխարգելիչ միջոցառումներ՝ ապահովելու երեխաների անվտանգությունը:

Մենք աշխատում ենք միայն փոքր խմբերի հետ, որտեղ ընգրկված են մինչև 12 երեխա: Մեզ համար առաջնային է հետևել և ուղղորդել յուրաքանչյուր երեխայի զգացումներին և ուսումնական ընթացքին, որպեսզի վստահ լինենք, որ երեխան ուրախ ու հետաքրրքված է ճամբարի փորձառություններով: Մենք ունենք խմբերի երկու մոդերատորներ, ովքեր հենց ծրագրի հեղինակներն են, երեք օգնականներ, ովքեր ուղեկցում են երեխաներին ծրագրի ողջ ընթացքում: Երեխաները ապրում են հյուրընկալ ընտանիքներում, որտեղ նրանք ստանում են գյուղական աուտենտիկ կյանքի փորձառությունը: Հյուրընկալ ընտանիքների բոլոր անդամները ներգրավված են իրենց հյուրընկալված երեխային լավագույն փորձառություն տալու համար: Երեխա-մեծահասակ հարաբերակցությունը ողջ ճամբարի ընթացքում համապատասխանում է 1/2,4-ի: Երեխաները թե՛ ցերեկը, և թե՛ գիշերը միշտ մեծահասակի ուշադրության ներքո են: Հյուրընակալող տները բարեկարգ են ու հարմարավետ, որտեղ երեխաների համար նախատեսված են 2-4 տեղանոց ննջարաններ: Մենք տրամադրում ենք գյուղական անարատ սնունդ օրը հինգ անգամ՝ նախաճաշ, ճաշ, ընթրիք և  երկու անգամ հետճաշիկ/աղանդեր՝ ճաշի և ընթրիքի միջև: Մեր թիմը խոսում է հայերեն, անգլերեն, ռուսերեն, ինչպես նաև, անհրաժեշտության դեպքում ընդգրկում ենք թիմում մարդու, ով խոսում է երեխայի մայրենի լեզվով:

 

Ե՞րբ են սկսվում ճամբարի մասնակցության համար գրանցումները

 

2020 թվականի ամառային ճամբարի երկրորդ խմբի անհատական գրանցումներն արդեն սկսվել են: Տեղերը սահմանափակ են: Մենք կարևորում ենք անհատական մոտեցումը յուրաքանչյուր երեխային, և մեր խմբերում երեխաների թիվը չի գերազանցում 12-ը:

 

Մենք ընդունում ենք նաև խմբային գրանցումներ կազմակերպություններից և դպրոցներից: Եթե դուք նման կառույցի ներկայացուցիչ եք, ապա կարող եք կապ հաստատել մեզ հետ խմբային գրանցումների կարգին և մյուս մանրամասներին ծանոթանալու համար:

 

Արժեքը

Ճամբարի մեկ շաբաթվա արժեքը մեկ երեխայի համար 300.000 ՀՀ դրամ է, որն իր մեջ ներառում է կեցություն հարմարավետ հյուրատներում, 5-անգամյա առողջ սնունդ, հատուկ մշակված աշխատարաններ, տուրեր/արշավներ, տրանսպորտ Երևանից ճամբար և հակառակ ուղղությամբ: Օդանավակայանից դիմավորումը կարող է կազմակերպվել լրացուցիչ վճարի դիմաց:

Հաշվի առնելով, որ ստեղծված իրավիճակից երեխաները ամենաշատն են կրել ինքնամեկուսացման, տեղաշարժման սահմանափակումների վնասները, երեխաների ֆիզիկական և մտավոր առողջության վերականգնմանը  աջակցելու համար այս ամառ ճամբարի գինը 50% զեղչվել է և կազմում է 150.000 ՀՀ դրամ: Օնլայն վճարման դեպքում գանձվում է նաև բանկի միջնորդավճարը՝ 4050 ՀՀ դրամի չափով: 

 

 

Զեղչեր քույր-եղբայրների համար

Մենք առաջարկում ենք զեղչեր մի ընտանիքից մեկից ավելի երեխաների մասնակցության դեպքում: Ամեն երկրորդ երեխան կստանա 10% զեղչ, երրորդ երեխան` 20% զեղչ: / Երրորդ երեխայից սկսած յուրաքանչյուրը 20% զեղչ: Զեղչերից օգտվելու համար գրեք մեզ նախապես՝ մինչ գրանցման հայտը լրացնելը:


Ձեր երեխայի մասնակցությամբ դուք կունենաք Ձեր ներդրումը Հայաստանի գյուղական համայնքների զարգացման գործում:

Կեցություն

Երեխաների կեցությունը կազմակերպվում է տեղական հյուրընկալ ընթանիքներում` որտեղ սենյակները նախատեսված են 2-4 երեխաների համար: Հյուրընկալ ընտանիքներն այս ոլորտում փորձառու B&B-եր են:

Որտեղ է գտնվում ճամբարը

«Իմ ագրիամառը» միջազգային ճամբարը գտնվում է Մարտունի գյուղում, Ճամբարակ խոշորացված համայնքում, որը գտնվում է Հայաստանի արևելյան մասում Սևանա լճի և Դիլիջանի միջև: Մարտունին ծովի մակարդակից 1800մ բարձության վրա գտնվող էկոլոգիապես մաքուր բնակավայր է իր մաքուր օդով, կանաչ անտառներով, բարձր լեռներով և բյուրեղյա մաքուր ջրերով: Այն յուրահատուկ վայր է, որտեղ ամեն ծնող պետք է իր երեխային գոնե մեկ անգամ բերի:

Գյուղը գտնվում է Երևանից 130 կմ (մինչև 2 ժամ) հեռավորության վրա:

Համայնքային ներգրավվածություն

«Իմ ագրիամառը» ճամաբարն ամբողջությամբ հիմնված է համայնքի ռեսուրսների վրա: Համայնքի բնակիչներն առաջարկում են իրենց հյուրընկալ տները երեխաներին, կիսվում են գյուղատնտեսության ոլորտում ունեցած իրենց փորձառությամբ, սովորեցնելով երեխաներին հողագործության և անասնապահության նրբությունների մասին, միևնույն ժամանակ կսովորեն, թե ինչպես պատրաստել տնական պանիր, որն ունի հազարավոր տարիների պատմություն, հաց կամ կարագ, և շատ ավելի յուրահատուկ ուտեստներ` օգտագործելով հնագույն պատրաստման եղանակները, որոնք, փոխանցվել են իրենց սերնդեսերունդ: Հյուընկալ ընտանիքներն առաջարկում են իրենց կողմից պատրաստված էկոլոգիապես մաքուր ուտելիքը` տալով երեխաներին իրենց սերն ու հոգատարությունը: Համայնքի երեխաներն ու երիտասարդները ակտիվ մասնակցություն են ունենում ճամբարի կյանքին:

 

Սաթենիկ Խաչատրյան
«Իմ ագրիամառը» միջազգային ճամբարի հիմնադիր

Սաթենիկը ծնվել և իր պատանեկությունն անցկացրել է Մարտունի գյուղում: Սաթենիկն իր կրթական կարիերան անցկացրել է եվրոպական 4 համալսարաններում` հետազոտելով կրթության և երեխաներին վերաբերող մոտեցումները Նորվեգիայում, Շվեդիայում, Իռլանդիայում և Մալթայում: Նա նվիրել է իր կարիերան կրթության և համայնքային զարգացման ոլորտներին: Նրա շարունակական փնտրտուքները համայնքային զարգացման և կրթության մեջ լավագույն լուծումները գտնելու ուղղությամբ հանգեցին այս ծրագրի ստեղծմանը, որը հիմնված է ժամանակակից աշխարհում կիրառվող լավագույն հնարավոր մոտեցումների վրա: «Ես ցանկանում եմ ապահովել երեխաների համար լավագույնը և, միևնույն ժամանակ, դարձնել իմ համայնքն ավելի լավը` իմ աշխատանքի հիմքում դնելով հոգատարությունը մարդկանց ու բնության նկատմամբ: Ես հավատացած եմ, որ այս ծրագրերի ստեղծումը ավելի մեծ արժեք կբերի երեխաների կյանքում`օգնելով նրանց գտնել երջանկության իրենց ճանապարհը, ինչպես որ ես գտա իմը: Ես հուսով եմ, որ ավելի շատ մարդիկ գնալով կգնահատեն գյուղական կյանքի առավելությունները և կմոտենան բնությանը և իրենց իսկական եսին».- նշում է Սաթենիկը:

 

2020թ.-ի ամռան առկա շաբաթները

ՀՈՒԼԻՍԻ 11-16-ը

ՕԳՈՍՏՈՍԻ 17-22-ը

 

Մասնակցությունը հաստատելու համար անհրաժեշտ է գրանցվել և կատարել վճարումը մինչև օգոստոսի 13-ը: Մինչ վճարումն իրականացնելը՝ խնդրում ենք կապ հաստատել մեզ հետ՝ 096102452 / info@myagrovillage.am :

Չեղարկման դեպքում ճամբարի մասնակցության համար կատարված վճարները ենթակա են վերադարձման: Ավելի մանրամասն ծանոթացեք Չեղարկման կարգի հետ:

 

Չեղարկման կարգ

  1. Եթե չեղարկումը պայմանավորված է ֆորսմաժորային իրավիճակով, օր՝ համավարակի սահմանափակումներով` իրականացվում է գումարի վերադարձ*
  2. Չեղարկման այլ դեպքերում մինչև օգոստոսի 10-ը` գումարի 50% վերադարձ
  3. Օգոստոսի 13-ից հետո վերադարձ չի կատարվում

       * Բանկի կողմից պահված միջնորդավճարը ենթակա չէ վերադարձման:

 

Ձեր երեխայի մասնակցության հաստատումից հետո մենք կապ կհաստատենք Ձեզ հետ` տեղեկացնելու փոխադրման, անհրաժեշտ պարագաների և այլ մանրամասների մասին:


Գրանցման ձևաթուղթ

Երեխայի մասին տեղեկատվություն

Երեխայի անուն

Անուն

Ազգանուն

Ծննդյան ամիս/ամսաթիվ

Ամիս/Օր/Տարի

Դասարան
Սեռ
Արական
Իգական
Հասցե

Հասցե

Հասցե 2

Քաղաք

Նահանգ/Մարզ

Փոստային կոդ

Ծնողի/խնամակալի մասին տեղեկատվություն

Անուն

Անուն

Ազգանուն

Անձնագիր

Բջջային հեռախոսահամար

Երկրի կոդը

Հեռախոսահամար

էլ. հասցե

Հրատապ դեպքին վերաբերող տեղեկատվություն

Պատահարի դեպքում կոնտակտային անձի անունը

Անուն

Ազգանուն

Բարեկամական կապը

Հեռախոսահամար

Երկրի կոդը

Հեռախոսահամար

Այլ հեռախոսահամար

Երկրի կոդը

Հեռախոսահամար

Երեխան ունի՞ ալերգիաներ, խրոնիկ հիվանդություններ կամ այլ բժշկական ցուցումներ, եթե այո խնդրում եմ մանրամասնել:
Ձեր երեխան ունի՞ ապահովագրություն (ծանուցում* եթե երեխան չունի ապահովագրություն, որևէ պատահարի դեպքում ծախսերը հոգում է ծնողը/խնամակալը) ՈՒՇԱԴՐՈՒԹՅՈՒՆ` Անհրաժեշտ է ուղարկել մեր էլ.հասցեին բժշկի տեղեկանք այն ամսին,որ երեխան առողջ է և կարող է մասնակցել ճամբարին:
Այո
Ոչ
Ես համաձայն եմ, որ իմ երեխայի լուսանկարը/վիդեոն օգտագործվի ճամբարի կայքում/ֆեյսբուքյան էջում:
Այո
Ոչ
Ինչպե՞ս եք տեղեկացել ճամբարի մասին

Անձնական տեղեկատվության պաշտպանություն

Ձեր անձնական տեղեկատվությունը պաշտպանված է և կօգտագործվի միայն այս ծրագրի համար:

Սեղմելով այս կոճակը Դուք տալիս եք Ձեր համաձայնությունը ճամբարի անդամակցության պայմաններին և կարգին:
Գրանցումն ավարտելու համար անհրաժեշտ է կատարել ամբողջական վճարումն այստեղ.
© 2020 Բոլոր իրավունքները պաշտպանված են